19 giugno 2009
Mancaio unu bellu pagu tempus de su blog e purtroppo mi seo acatadu de una cosa:
Su blog est istadu infettadu de virus, non si trattat de cosa perigulosa po chine intrat a innoghe,
in pratica m’antprenu totus is cummentos cun s’ispam, innoghe non si biiat nudda, ma si sa pagina beniat cricada cun is motores de ricerca ‘nde bessiat foras sa pagina mea attaccata a s’ispam. Infattis m’at iscrittu s’istaff de Google avvisandomi ca mi che cancellaiant de s’indice a causa ca fui impestadu de ispam.
Geo ancora non cumprendo comente custa gente (hackers) tengiant tempus de pedrere cun sitos comente ai custos chi non tenent peruna importantzia.
M’est tocadu a torrare a faere totu de nou, cancellare su database, pulire totus is files e como mi tocat a torrare a tramudare totus is foeddos de su blog in sadru, ‘nche depo torrare a installare is immagines. Totu unu casinu.
Insomma fintzes innoghe tocat a baticolare, non bastant is ateros pistighingios. A su blog ddue seo affetzionadu, iscrio paghissimu, ma est sempre unu logu chi tenet una forma de comunicatzione e ddu biere deosi, chentza grafica e chentza foto mi dispraxit. Abellu abellu, po como tengio pagu tempus.
Saludos
Pubblicato in Cussòrgia Internet | 1 Commento »
2 novembre 2008
..e apustis de is fraigos e de is fragos..
..e apustis de aggiumai duos annos..
In “Sa Fùntana” ddu at fermentu e fermentazione..
In “Sa Fùntana” naschit pagu pippios ma creschent is carradas..
In “Sa Fùntana” a parte de chitzu s’intendiat sonos chi assicant is gattos..
In “Sa Fùntana” at arribadu gente de donnia genia: archimedes, alchimistas e atzerodderis
E como ca su primu disegnu ddu tengio finidu, pentzo tra mei e mei: “Ma a cantu catzu da depo bendere una bottiglia po podere badangiare dea una bingia?” 
A sa una de notte in “Sa Fùntana” calecunu fut ancora a iscutulos de pompa…
Però est naschida:
“Cantina della Valle di Accoro”
PARTITA IVA: 001110070958
TIPO ATTIVITA’: 15931 – PRODUZIONE VINI DA TAVOLA e VQPRD
Protocollo AUSL: n°69852
REA: 132095
CODICE POSIZIONE ISPETTORATO CENTRALE PER IL CONTROLLO QUALITA’ E SICUREZZA AGRO-ALIMENTARE: OR/1463
Auguriiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Pubblicato in Nesciuna genia | 3 Commenti »
30 luglio 2008
Su 2008 mi dd’apo arregodare po unu bellu pagu de tempus. M’est passidu de essere comente ai cussos cuocos chi ddue tenent batro o chimbe pingiadas in su fogu, sa truta coendo in su forru e is primos chi funt cumenciando a essere servidos aintru de su ristorante.
Su cuadru de cumandu operativu abarrada internet, chentza internet si rallentada totu s’istrategia chi aintru de duos o tres annos depet giaere forma e colore a totu custu amesturitzu de bideas: internet est diventada sa forma logica e noa de biere is cosas de parte mia, non prus istrumentu de treballu ma filosofia comunicativa.
Is cosas chi fatzo no ddos bio prus a livellu “locale” ma a livellu “globale”, faendo faendo apo cumprendiu ca sa “globalizzazione” non est solu un’effettu chi causat s’appiatimentu de is culturas, ma ddos podet aperrere e modernizzare: is cadenas de is “Mac Donalds” funt cosa divressas de su movimentu “Open Source“, eppuru totus a is duos funt un’effettu dea sa globalizzazione.
In mesu ai custos pentzamentos mi seo globalizzadu geo puru, indun’annu seo istadu: manovale, bingiateri, programmadore, ebayer, consulente, progettista, trasportadore, iscrittore, baby sitter….
“Lavoro flessibile“.. gasi mi paret ca ddi nant.
A modu meu dd’interpreto: “Pane, amore e fantasia“, su pane no isco chi at a bastare po totus. Po s’amore e sa fantasia basta pagu pagu a serrare is ogos.
Pubblicato in Nesciuna genia | 5 Commenti »
7 aprile 2008
Giai fui una die chenza che torrare! (nadu a sa samughesa)
No ddu at problemas e pistighingios. Innoghe seus in “zona franca”, no ddu at nè presse e nè gente chi ispettat.
Su populu sadru caminat abellu e noso ddu sigheus dea fattu
Is novas:
Tando, bistu ca su blog est diventadu una dedica a su restauru de sa Domo Antiga, mi tocat a torrare ai cussu contu. E su contu nat ca sa Domo Antiga est pronta po collocare carradas e prentzas, damigianas, tuppones e cheddargios. Su treballu est finidu, ddu at rifiniduras de pagu cosa, sa valutatzione finale de su treballu est unu 6+. A sa fine fui bèssindoche indun’ispesa esagerada e apo arrespramiadu cricando de no andare foras de su limite chi aio postu a cumenciu, ‘nche seo arrenneschidu a srabare una domo de prùs de chent’annos cun 25.000-30.000 euros, prùs 2 meses de treballu meu e de atros amigos chi m’ant aggiudau.
In su frattempus mi c’apo postu sa bingia e is cosas non funt andadas bene. Po primu cosa apo isballiadu a sistemare su terrenu, apo offidu arrespramiare e a sa fine apo ispendiu de prùs, ddu apo postu unu mese a finire e no est bèssidu mancu unu treballu fattu bene. Incazzaduras de s’ateru mundu e margianes famios de papare in pitzu de is coddos de is ateros. Ind’unu modu o ins’ateru si d’apo fatta a ‘nche ‘dda bogare ma is cadras de ferenu m’ant fattu treballare a su doppiu
Pubblicato in Progettos | 23 Commenti »
17 novembre 2007
Tempus de pentzare a is atrezzaduras de sa cantina. A narrere sa beridade, est giai dea un’annu chi seo iscrucugiando in mes’Italia poi cumprendere chine funt is aziendas leader de su settore, prezzios e caratteristicas de is macchinas.
Bastis apo pigadu e seo andadu a Milano addecca ddue fut una fiera, SIMEI, sa prus manna in totu su mundu de cussas dedicadas a sa tecnologia eno-alimentare. Arribadu ainie seo abarradu ispantasiadu biendo s’istruttura archittetonica de sa fiera, chi in realtade no est a Milano ma in s’hinterland industriale: Rho. In metropolitana ddu aiat una chedda de toscanos chi apo cumprendiu furint andandando totus ainie e mi seo unidu a issos, sinuncas mi fui pedridu, in pratica aus fattu assumancu 2 chilometros a pei, ddu aiat assumancu ateras 10 esposiziones, sa fiera nosta fudi in duos padigliones afundu tottu.
Ischia giai ca s’Italia est sa prus manna produttrice de atrezzaduras po s’enologia, però cando seo intradu aintru seo abarradu a buca aperta . Funt cussos momentos chi unu pentzat: ma tando no est beru ca seus una natzione gasi male cumbinada, si produeus tanti tecnologia e d’ esportaus in totu su mundu bolet narrere ca fortzis podeus cumpetere po creare unu sistema de calidade chi s’inde afutit de sa globalizzazione e de sa Cina.
Subitu mi che seo bettadu a cuntrattare macchinas, s’umprus ddos connoschia via internet e seo andadu subitu “al sodo”, is chi interessant a mimi furint totus impresigheddas venetas, piemontesas e toscanas, ispecializzadas in macchinarios po cantinas pitias.
Sa chistione est sempre cudda: su capitale de ispendere bolet taradu cricando sa massima calidade a su mengius prezziu cumprendendo bene s’esigenza reale chi tenes in su treballu chi depes faere. Sa differenza manna andando a una fiera comente ai cussa est ca su produttore t’ispiegat bene e ti benit incontro, su rivendidore tendet invece a ti bolere bendere su chi tenet giai aintru in negoziu.
Sette oras passadas cun capia, is bideas funt craras, ddu at solu de ponnere manu a su portafoliu: 40.000 euros , 80 miliones. Custa chida mi jogo s’ischedina
Pubblicato in Progettos | 2 Commenti »
18 ottobre 2007
Finidos is treballos de sa domo antiga..apustis de noe meses!
Piat a mancare s’incodau..ma assentare pedrighedda est giogu si pentzaus a su chi
aus fattu in custos meses.
Is carrellos de bascaramene no ddos aus prus contados.
A sa fine est bessidu unu treballu chi mi praghet, peccadu po su tropu cimentu: ddu at muradores chi no ischint eite bolet narrere restauru.
Pubblicato in Progettos | 8 Commenti »
24 aprile 2007
E oh..est deasi….cando sa conca frusiat troppu est mengius a si cittire. E poi est sempre cuddu contu: cando su sadru du foeddo..
Is noas:
is treballos de sa Domo Antiga funt sighidos po tottu su mese de marzu, is orroccas dos aus lassadas einue furint, ddis aus betau su sottofondo a pitzu e bonanotte, a sa fine aus decidiu ca fut mengius a inartare su sostro po otennere s’arte necessaria. Paris cun su sottofondo aus fattu un cordulu de rinfortzu, bistu ca fundales non de ddu aiat. Isciucchiaudu cun timenza su muru de mesu chi dividiat sa coghina dea s’apposentu e fattu tottu a unu, torraos a montare is traves. Intrass’intru m’apo imprenniadu e verniciadu tottu sa taula po torrare a faere su pavimentu in linna. Un giassu de muru est toccadu a ddu rinforzare cun mattone de 8 ca poite fut veramente male postu. A su primu de maju torro a calare e feus sa crabetura.
Pubblicato in Nesciuna genia | 5 Commenti »
22 febbraio 2007
Un
Pubblicato in Politicàntes | 11 Commenti »
9 febbraio 2007
Abbaidando foras de sa fentana
Non bio chelu e non bio terra
Ma fumu biancu chi mi lea sa gana
pargio unu frore ind
Pubblicato in Cantadores | 13 Commenti »
29 gennaio 2007
Comente apo iscrittu in s’introduzione, custu blog est naschidu po isperimentare. Isperimentare bolet narrere fintzes inventare unu modu nou de arrejonare, abbaidare is cosas de un’ateru puntu de vista, o puru reinventare sa tradizione umperando is mezos chi teneus oe.
Est po cussu chi bogio ponnere in evidentzia su “carteggiu” tra mei e Anghelu Morittu, ex cumpangiu de iscola cando istudiao a Nuoro e chi non bio dea 27 annos (..si seus reincontrados po casu in sa retza). A narrere sa beridade est istadu Anghelu chi m’at betadu s’ “esca” po rimare in sadru e jeo chi seo sempere curiosu no apo ofidu certu a mi faere pregare. Non bogio certu esaltare su chi aus iscritu, chi est cosa fatta solu po brullare e po jogare, ma est propriu custu su puntu: depeus cricare de torrare a jogare cun sa limba e in limba, provare prajere po s’usu de su foeddu cricando aintru nostu sa paraula antiga, iscriendo feus recuperu de su ch’inde aus pedriu. Non si podeus permittere de ‘nde pedrere sa limba, isperimentando s’acataus e de cantu italianu nc’at intradu in su foeddare de oe, e po mei no est un’iscandulu: is limbas s’ibridant a segundu de su tempus e de is sociedades. S’importante est a non de pedrere s’eredidade.
*Sa fotografia est unu fotomontaggiu de Giampaolo Frongia, realizzada cun Photoshop CS2 .
Pubblicato in Cantadores | 11 Commenti »